Intel Basin Falls Dhe Coffee Lake Do Të  Dalin Para Afatit

Intel Basin Falls Dhe Coffee Lake Do Të Dalin Para Afatit

Sipas shitësve të kompjuterëve me bazë në Tajvan, Intel do të zbuloj platformën e saj Basin Falls [Skylake-X, Kaby Lake-X], dhe çipsetin e ri X299 në Computex 2017, që mbahet në datat 30 Maj – 3 Qershor në Tajvan, dy Muaj përpara nga çka ishte planifikuar.
Gjithashtu, familja e re e proçesorëve Coffee Lake e bazuar në proçesin 14nm e planifikuar për Janar të 2018, mund të dalë në Gusht të këtij Viti, për t’u përgjigjur rritjes së konkurrencës nga proçesorët Ryzen 7 dhe Ryzen 5 të AMD-së.
Proçsorët e familjes Basin Falls priten të dalin fillimisht në treg në evenimentin Gaming E3, që mbahet në Amerikë në Qershor, dhe daljen zyrtare në fund të Muajit.
Seria Skylake-X përbehet nga tre proçsorë 140vat me 6-, 8- dhe 10-bërthama, kurse Kaby Lake-X një quad-core 112vat. Në Gusht Intel do të nxjerrë edhe ajkën e Skylake-X një proçsorë me 12-bërthama.
Ndërkohë në krahun tjetër thuhet se, AMD po planifikon të shpallë në tremujorin e tretë proçesorin e saj të parë Ryzen me 16-bërthama, dhe platformën X399 për të konkurruar në fushën e nivelit të lartë të PC-s.

Për saj i përket familjes së procesorëve Coffee Lake, Intel do të nxjerrë fillimisht disa modele K të proçesorëve Core i7/i5/i3 dhe çipsetin Z370 në Gusht, dhe më vonë do të nxjerrë procesorë të tjerë, si dhe çipsetin H370, B360 dhe H310 nga fundi i 2017 – fillimi i 2018.
Thuhet se Intel ka shpenzuar mbi 100 milionë dollarë në makineri, për të përshpejtuar ritmin e prodhimit.

Burimi: Digitimes