Intel Mund Të Nxjerrë Proçesorët e Rinj Haswell-E Në Shtator

Intel Mund Të Nxjerrë Proçesorët e Rinj Haswell-E Në Shtator

Me gjithë zhurmën dhe spekulimet për DDR4 dhe çipsetin e famshëm X99, VR-Zone ka detaje të reja mbi datën e debutimit në treg të platformës së re High End nga Intel.

Intel ka planifikuar të shpallë proçesorët e rinj Core i7-5960X, Core i7-5930K dhe Core i7-5820K në datën 14 shtator të këtij viti. Ky është një lajm i mirë për entuziastët, jo vetëm për CPU e reja por edhe për DDR4. Gjithashtu në të njëjtën datë Intel planifikon normalisht edhe daljen në treg të X99 (me emër në kod Wellsburg) i cili do të jetë e vetmja mënyrë për të përdorur CPU e rinj.

intel_haswell_e_launch_date

 

Gjatë kohës së pritjes për X99, Intel do të nxjerrë edhe disa CPU të reja Haswell-Refresh

intel_haswell_e_specificationsNga tabela duken shumë qartë parametrat e CPU të reja. Ajo që bie më shumë në sy është i7-5960X, një 8 berthamësh me 20MB Cache, i pari në desktop nga Intel. Frekuencat bazë janë mëse të mjaftueshme pa harruar faktin që mund të bëhet edhe overclock dhe të përfitohet një përqindje ekstra falas në performancë. CPU e tjerë janë minimalisht me 6 bërthama, si 5820k dhe 5930k. Përfitime të kësaj teknologjie përfshijnë DDR4 me frekuencë bazë 2133MHz, deri në 5 karta me PCI Express 8x, dhe normalisht arkitektura e Haswell-E me më shumë instruksione për cikël (IFC) gjë që pritet ti bëjë më efektivë se Ivy-Bridge-E.

intel_core_haswell_e

Përfundimi: Intel po bën avancime siç pritet por të gjithë e shohim që avancimet janë minimale. Kjo ndodh sepse në segmentin High End, Intel nuk ka një konkurencë të mirëfilltë nga AMD apo konkurent tjetër. Ky është monopolizimi i Intel dhe fatkeqësisht nqs AMD nuk do zgjohet nga gjumi, ne do vazhdojmë të gëzohemi me 5% rritje që na jep Intel në çdo “gjeneratë të re” që nxjerr.

Burimi: KitguruVR-Zone

Le të diskutojmë këtë lajm në forumin tonë.

Nqs lajmet tona ju pëlqejnë ju lutemi na bëni një share duke përdorur butonat më poshtë.