Mesa duket Microsoft mund të jetë duke punuar në zëvendësimin e browser-it të tyre Edge me një të ri të bazuar në strukturën Chromium.
Projekti Chromium është kod i hapur i krijuar nga Google, ku bazohen browser si ai i vet Goolge-it Chrome, por edhe të tjerë si Opera dhe Vivaldi.
Lajmi vjen nga Windows Central . Ende nuk ka shumë detaje Si p.sh, nuk dihet nëse browser-i i parazgjedhur i ardhshëm në Windows 10 do të quhet Edge ose do të riemërohet në bazë të kodit të ri.
Pritet që browser-i i ri i Microsoft të dalë në pranverë të vitit 2019 – ndoshta me një përditësim korrespondues të Windows 10. Edge nuk ka gëzuar asnjëherë popullaritet të madh. Në fillim, kishte mungesa të mëdha në veçori, në krahasim me browser-at e tjerë. Por edhe ankesa të shumta nga përdoruesit për mungesë stabiliteti dhe shpejtësi të ulët të lundrimit.
Deri më tani, Microsoft nuk e ka konfirmuar zyrtarisht lëvizjen në Chromium. Pritet që Microsoft të njoftojë zyrtarisht planin në javët e ardhshme.