Dy burime konfirmojnë se karta e radhës në serinë Ampere GeForce RTX 30 do të jetë RTX 3060 Ti. Për momentin nuk ka asnjë konfirmim për datën e lëshimit të RTX 3060 jo-Ti. Modeli jo-Ti pritet të jetë çip i tret Ampere  GA106, por me sa duket nuk është ende gati. NVIDIA GeForce RTX 3060 Ti do të ketë çipin GA104-200 me 4864 bërthama CUDA (1024 bërthama ose 8 SM më pak se RTX 3070). Si RTX 3070, ky model do të vijë me 8 GB memorje GDDR6 me shpejtësi 14 Gbps, 256-bit. Natyrisht, ky model do të kërkojë më pak energji. Thuhet se kartat e partnerëve do të jenë 200W, që nënkupton se bordi i referencës është diku afër 180W. Nëse ky numër është i saktë, atëherë RTX 3060 Ti do të konsumojë pak më shumë energji sesa RTX 2070 dhe RTX 2060 SUPER, të vlerësuar me 175W. Data e nisjes nuk është konfirmuar ende, por hartat e brendshme tregojnë për në fund të tetorit. Nuk dihet  pse NVIDIA vendosi të lëshojë së pari modelin Ti, por mendohet se AMD mund të ketë një ofertë të fortë në shtresën e mesme, ku RTX 3060-ja e  thjesht nuk do të ofronte një konkurrencë të fortë.