Specifikimet e AMD Radeon R9 295X2
AMD Radeon R9 295X2 është shtesa më e fundit e AMD tek seria 200. Është i pari dual GPU bazuar në arkitekturën Hawaii dhe është e përbërë nga 2 bërthama të plota me 5632 SPU (Stream Processor Units), 352 TMU (Texture Mapping Units) dhe 128 ROPs.
Versioni bazë R9 295X2 është i pajisur me 8 GB GDDR5 me dy buse 512-bit, bërthamë 1018MHz dhe memorja është 5GHz efektive (1250 MHz).
| Specifikimet e AMD Radeon R9 295X2 | ||||
|---|---|---|---|---|
| AMD Radeon R9 295 X2 |
AMD Radeon R9 290X |
GeForce GTX TITAN Z |
GeForce GTX 780 Ti |
|
| Kodi GPU | Vesuvius | – | – | |
| Modeli GPU | 2x Hawaii XT | Hawaii XT | 2x GK110-400 | GK110-425 |
| Bërthama | 2x 2816 (5632) | 2816 | 2x 2880 | 2880 |
| TMUs | 2x 176 (352) | 176 | 2x 240 | 240 |
| ROPs | 2x 64 (128) | 64 | 2x 48 | 48 |
| Memorja | 2x 4GB (8GB) | 4GB | 2x 6144 MB | 3072 |
| Bus Memorje | 2x 512b | 512b | 2x 384b | 384b |
| Frekuenca e bërthames | 1018 MHz | 1000 MHz | – | 875 MHz |
| Frekuenca e memorjes | 1250 MHz | 1250 MHz | – | 928 MHz |
| Konektorë korenti | 8pin + 8pin | 8pin + 6pin | 8pin + 8pin | 8pin + 6pin |
| Fuqia TDP | 500W | 250W | – | 250W |
| Hedhur ne treg | 8 Prill 2014 | 24 Tetor 2013 | Prill 2014 | 7 Nentor 2013 |
Fuqia elektrike e AMD Radeon R9 295X2
Radeoni i ri është i pajisur me 2 konektorë 8-pin, që normalisht është i bollshëm për të furnizuar kartën pa ndonjë bllokim. Përsa i përket dizenjos së korentit nga foto e PCB duket një konfigurim me 5+1 faza për GPU, pak a shumë konfigurimi i pritshëm për një bord dual-Hawaii.
Projekti Hydra: AMD Radeon R9 295X2 me ftohje hibride
R9 295X2 është e para kartë grafike referencë me ftohje me ujë. Ashtu si ASUS ARES II kemi një radiator të kompanisë ASETEK. Vetë radiatori i 295X2 vjen me 1 freskues 120mm të vendosur por kjo nuk ndalon asnjë nga ne të vendosë një të dytë ose ti zëvendesojë me ndonjë model tjetër sipas deshirës.
Radiatori lidhet me 2 tuba 38cm me pompat. Ftohësi i kartës mat 30.5cm gjatësi dhe përmban një freskues të vetëm në mes. Freskuesi i kuq dhe logo në mes janë të vetmit identifikues që kjo kartë është e AMD sepse nuk ka më ngjyrë të kuqe në asnjë vend tjetër. Gjithsesi këto pjesë të kuqe janë të ndricuara.
AMD Radeon R9 295X2 e ndërtuar për rezolucion 4k
Ultra HD është një pikë kyce për AMD, e cila po bën maksimumin për ta reklamuar atë sepse GPU-të e tyre Hawaii janë më te mirë se NVIDIA për shkak të busit 512bit. Ata kanë vendosur 4 mini-DisplayPort dhe një dalje Dual DVI-D tek R9 295X2. Kjo është një zgjidhje shumë e mirë për atë që kanë shumë ekrane sepse nuk do të kenë nevojë për adaptorë të tepërt.
Performanca e AMD Radeon R9 295X2
AMD ka ndarë më në një grafik me performancën e 295X2 në 3DMark Fire Strike. Ne këtë benchmark 295X2 ka mbi 60-65% më shumë performancë se R9 290X.
Data e daljes së AMD Radeon R9 295X2
AMD Radeon R9 295X2 do të dalë në treg në datën 8 prill, fatkeqësisht çmimi zyrtar nuk është i njohur por sipas disa spekulimeve pritet rreth 1400-1500€.
Marrë nga VideoCardz.com