Seritë MSI dhe ZOTAC të GeForce RTX 3060 Ti shfaqen në internet

Seritë MSI dhe ZOTAC të GeForce RTX 3060 Ti shfaqen në internet

Një sërë kartash grafike GeForce RTX 3060 Ti nga MSI dhe ZOTAC janë shfaqur në internet, falë listave të vërejtura në Komisionin Ekonomik Eurasiatik dhe Agjencinë e Kërkimit Koreano Jugore, zyra rregullatore dhe çertifikuese.

Sipas listës MSI po përgatit serinë GAMING X, VENTUS 2X dhe VENTUS 3X për GeForce RTX 3060 Ti. Lista përfshin gjithashtu një model të ri të quajtur Twin Fan. Ky emërtim i përket prodhuesit Inno3D, kështu që nuk dimë se çfarë të presim. MSI mund të ketë ripërdorur një nga seritë e saj ekzistuese, të tilla si AERO ose ARMOR, por duket se kompania tani po investon burime në dizajne më të reja. Si p.sh seria SUPRIM e cila konfirmohet nga lista, në zhvillim për GeForce RTX 3070. MSI do të prezantojë zyrtarisht serinë e saj SUPRIM në 20 nëntor, rrjedhjet e shumta na kanë zbuluar tashme paraqitjen e saj.

Ndërkohë, në zyrën e RRA të Koresë së Jugut, ZOTAC ka dorëzuar kartën e saj grafike GeForce RTX 3060 Ti Twin Edge për çertifikim. Ky model ka shumë të ngjarë ti ngjasoj shumë RTX 3070 Twin Edge.  Listimi konfirmon se është një model 8 GB GDDR6.

 

GeForce RTX 3060 Ti përmban çipin GA104-200 me 4864 bërthama CUDA, 38 bërthama RT dhe 152 bërthama Tensor. Karta grafike do të jetë e pajisur me 8 GB memorie GDDR6 256-bit. Thuhet se do të jetë në gjendje duke filluar nga data 2 Dhjetor.