You are currently viewing Të gjithë zërat e fundit rreth serisë GeForce RTX 2080

Të gjithë zërat e fundit rreth serisë GeForce RTX 2080

Pas zyrtarizimit të arkitekturës së re Turing, interneti ka shpërthyer në zëra të shumtë rreth modeleve Gaming.
Së pari, dua t’ju rikujtoj se këto janë vetëm zëra, asgjë e konfirmuar zyrtarisht.
Së dyti, është pak herët për të folur për modelin Ti të RTX 2080, pasi zakonisht ky model del në fund.

Le të fillojmë me çfarë është paraqitur si ‘bordi’ i kartës së ardhshme nga Nvidia, RTX 2080.
Bordi i kartës grafike që shini në foto është i koduar TU104-400-A1 dhe është një mostër kualifikimi që do të thotë se, karta në foto vjen nga njësia e paraformimit.
TU104-400 ka të ngjarë të jetë GeForce RTX 2080.
Bordi është i pajisur me tetë module të memorjes GDDR6, që do të thotë 16 ose 8GB kapacitet.
Lidhjet elektrike mund të jenë, një 6-pin dhe 8-pin ose një çift 8-pin.

Një tjetër lajm ka të bëjë me karakteristikat e serisë RTX 2080.
GeForce RTX 2080 vjen me 8GB memorje GDDR6, ndërfaqeje 256-bit dhe 2944 bërthama CUDA.
RTX 2080 Ti, vjen me 11 GB memorje si GTX 1080 Ti por diferenca qëndron tek shpejtësia që ofron memorja e re GDDR6.
Shpejtësia prej 14Gbps e rrit bandwidth-in me 132 GB/s më shumë se GDDR5X e GTX 1080 Ti, me një total prej 616 GB/s.
Numri i bërthamave CUDA për GeForce RTX 2080 Ti thuhet të jetë 4352, diçka më pak se kartat profesionale Quadro RTX 6000/8000, që kanë plot 4608 bërthama.
Poshtë gjeni dhe tabelën me specifikimet për serinë RTX 2080 ende të pa konfirmuara zyrtarisht.

NVIDIA RTX Series
                                                                   CUDA Cores Memory Memory Bus Memory Bandwidth
Quadro RTX 6000 4608 24 GB G6 384-bit 652 GB/s
GeForce RTX 2080 Ti 4352 11 GB G6 352-bit 616 GB/s
GeForce GTX 1080 Ti 3584 11 GB G5X 352-bit 484 GB/s
Quadro RTX 5000 3072 16 GB G6 256-bit 448 GB/s
Quadro RTX 2080 2944 8 GB G6 256-bit 448 GB/s
GeForce GTX 1080 2560 8 GB G5X 256-bit 352  GB/s

NordicHardware ka bërë të ditur se RTX 2080 do të jetë e gatshme për porosi duke filluar nga e Hëna e javës që vjen.

Së fundi, paketimet me kartat e serisë RTX 2080 nga disa nga partnerët e Nvidia-s janë shfaqur Online.
Për të theksuar është dizajni rifreskues nga MSI, që kishte kohë që ishte po i njëjti.

MSI GeForce RTX 2080 Ti dhe RTX 2080 DUKE
MSI GeForce RTX 2080 Ti GAMING X TRIO
PALIT GeForce RTX 2080 Ti dhe RTX 2080 GamingPro
ZOTAC GeForce RTX 2080 Ti dhe RTX 2080 AMP
PNY GeForce RTX 2080 Ti XLR8
Gainward shfaq një poster në lidhje me serinë GeForce RTX 2080