You are currently viewing Ubisoft dhe Microsoft do të tregojnë të rejat e tyre nëpërmjet një prezantimi dixhital pa publik

Ubisoft dhe Microsoft do të tregojnë të rejat e tyre nëpërmjet një prezantimi dixhital pa publik

E3 2020 u anulua për shkak të pandemisë, megjithatë Microsoft dhe Ubisoft njoftuan se ata do të zbulojnë të rejat e planifikuara vetëm nëpërmjet një prezantimi dixhital pa publik. Në deklaratën e ESA për anulimin e E3, u sugjerua që alternativë online në vend të prezantimit me publik. Sidoqoftë, një tweeet nga Phil Spencer tregon që Microsoft do të zhvillojë një prezantim më vete. “E3 ka qenë gjithmonë një kohë e rëndësishme për Xbox Team. Nisur nga ky vendim, këtë vit do të festojmë gjeneratën e ardhshme të lojërave me komunitetin Xbox përmes një prezantimi dixhital. Detaje rreth orarit dhe më shumë në javët në vijim. ”

Ubisoft nuk ka konfirmuar ende asgjë, por aktualisht është “duke eksploruar opsionet për një alternativë online”.

Një numër në rritje i botuesve të lojërave kishin vendosur që të mos merrnin pjesë në E3 edhe sikur të ndodhte, dhe në vend të tyre të ofronin prezantime online, përfshirë Sony dhe Nintendo. Me dy nga ngjarjet më të mëdha të industrisë të këtij viti të anuluar ose shtyrë, shumë kompani do të nxitojnë të gjejnë alternativa. Nëse prezantimet dixhitale do të jenë të suksesshme, kjo mund të shtyjë një lëvizje të përhershme drejt prezantimeve dixhitale, duke e bërë një kthim të E3 vitin e ardhshëm shumë të vështirë.